Phek jila nung Students Recital Season 4 agiogo

Dimapur, Mongputeni/October 31 (TYO): TaFMA aser Vibrant Entertainment den longjemer Elite Music Ensemble-i achaayanga Students Recital Season 4, Phek Town Council Hall nung October 30 nü agiogo. Iba sentong nung SDO (C) Phek, Bhavani-Sri, IAS alakteta jaoker liasü.
Sentong nung Bhavani-i lanur artist tem dang meranga inyaktsü aser metoktsüi practice asütsü ajungshi kechiyong practice asüba ajanga dang nisung ka tajung akümer, ta ashi. Laisa, lanurtem nem sabang tajung agütsüba atema Elite Music Ensemble dang pelaba lemsatep.
Women Welfare Officer DLCW-MSK Phek, Vileno Kapu-i music ajanga tajangzük bener arutsüba indang lemsatep aser lanur musician tem dang music ya parnok profession ama agitsü ajungshi, kechiyong Naga nunger music tsütsü sempet tajung lir. Sentong nungsa Elite Music Ensemble Academy nungi kaketshirtem parnok sempet sayua liasü.
Sentong ya Kezevituo Chielie lensüba kübok agi aser Venuzo Veyie-i temoatsü meshia sarasadem. Maneni Elite Music Ensemble Academy, Proprietor Khriesangoyi Dozo-i tepela o jembia liasü, ta DPRO Phek sangdong ka ajanga metetdaktsü.