Phek jila nungi candidate 8-i tenüng agiener

Dimapur, January 26 (TYO): Chakesang Baptist Church, Dimapur nung CBCC züngsemtem aser Phek jila nungi ULB election candidate tem külem senden ka mena ULB election dak sentakba onüktem jembia liasü, ta CPO General Secretary, Mutsivoyi Kotso-i sangdong ka ajanga metetdaktsü.
Ken o tatsü talang aika jembia tesüsa telemtetba ka dangi arua Khristan chichiba tangatetba nung tezüngzüktep ka agiogo.
“Chakesang Baptist Church Council (CBCC) lenirtemi mepishiba nung aiaura kaa, tsünglanglen aliba tenüngtem, onoki Jan. 26 anogo nungi tenzüka Phek jila nung ULB election nungi tenüng agientsü lemtetogo. Chakhesang nunger taginüba aser telongjem atema iba telemtetba ya agir,” ta tezüngzüktep nung shia lir.
“Iba dak alia mapang shitak nung onoki tenüng magienba atema sasar” ta parnokisa metetdaktsüogo.