Phek nung election mapang amshitsü tenüng züluoka aliba garitem agütsütsü anogo melenshir

Dimapur, Aenjeti 28 (TYO): Phek nung General Election 2018 agiba mapang amshitsü asoshi pei jurisdiction nung tenüng züluoka aliba garitem Local Ground, Phek Town-i tsünglanglen agüja aliba anogo aser mapang nung bener arutsü asoshi metetdaktsür, ta Phek Deputy Commissioner, Shanavas C, IAS-i sangdong ka ajanga totuyuba agütsü:
SI. No. Sub-Division/ Hqr. Date Time
1. Meluri 23rd Feb 2018 9:00 A.M
2. Chozuba 23rd Feb 2018 9:00 A.M
3. Phek Sadar & Phek Town 24th Feb 2018 9:00 A.M
4. Pfutsero 24th Feb 2018 9:00 A.M
5. Chizami 24th Feb 2018 9:00 A.M
Taoba sangdong nung report asütsü asoshi Aenjeti 30, 2018, ta alibaji melenshir, ta kasa sangdong ajangasa metetdaktsü.