Phek nung Health & Sanitation sentong agiogo

Dimapur, Chiteni/July 11, 2019 (TYO): Beti Bachao Beti Padhao (BBBP) campaign kübok Phek District nung July 11, 2019 Brehostibarnü tetsürtem atema DC’s Conference Hall, Phek nung Health & Sanitation sentong katsüogo.
Iba sentong ya District Level Centre for Women – Mahila Shakti Kendra, Phek den District Administration longjema ayongzükja liasü.
Sentong nung DC, Sachin Jaiswal, IAS-i, iba ama sentong ya nüburtem atema kanga dang tongtibang aser sorkar nungi agütsüba scheme balala nüburtemi amshitsüla, ta ashi.
Lokti ajungtsü asoshi asenoki temang anema alibaren aser merükmejuba osangtem nübur dang sangdongtsüla, ta DC-i züngsem tem ayongzüka liasü.
Kasa sentong nung District Hospital Phek, Gynaecologist, Dr. Panger Longkumer-i “Women’s Health” omen nung ajemdaker o jembi, kong sex ratio aser tetsür temang anepalubaren nung ajemdaker tongtibang onüktem lemsatepa liasü.
Maneni, iba sentong nungsa, Child Development Project Department nungi Officer-i Angawadi indang telok dang ashi.
Sentong nung, SDO (C), T. Lemlila Sangtam menden liasü aser Angawadi nung inyaker parnok 200 sentong nung denogo.