Phek nung IED 2 apok; AR ka yiru

Kohima, Aami/June 28 (TYO): Tanü Phek district kübok IED ana apokba lendong nung Assam Rifles sepai ka yiruogo, aser bomb ji NSCN(K)-i rema toktsüba liasü ta osang angazüker, ta ketdangsertem osang ka ajanga metetdaktsü.
Osang angazükba agi, Phek district, Meluri sub-division kübok Akhegwo yim anasa tanü nikongdang 3:00 ako meta Assam Rifles convoy ka nem security agutsütsü atema inyaker Assam Rifles Road Opening Party (ROP) dak bomb ana pokloktsü; Assam Rifles convoy ji Kiphire district nungi aruya-a liasü, ta osang angazüker.
Bomb anaji mapang tera tetsüngda lia apok, aser iba lendong nungji Assam Rifles sepai ka teku aser tetsüng yiru, iba sülen pa Army Hospital-i oa aneplua lendong nungibo jenbuogo, ta kasa osang ajanga metetdaktsü.