Phek nung küm 7 sülen passenger helicopter tenzükogo

November 01, 2017 nü NST Department-i Phek district nung passenger helicopter service tenzükba sülen passenger tem Phek nungi Dimapur-i aotsü atema helicopter-i atuba mapang tangokba noksa nung angur.

Dimapur, November 02 (TYO): Bodhbarnü NST Department-i Phek district nung küm tenet sülen passenger helicopter service asentenshir tenzükogo.
Assam Rifles Helipad nung osangbenertem den jembidang ADC, Phek, K. Mhathung Tsanglao-i Commandant 22 AR, Phek-i iba helipad amshitsü atema melaa anepaluba atema pelaba lemsatep.
“Passenger service ya mapang talangka nungi nüngdaka liasü, aser iba ya ajanga district nung aliba nüburtem aika kanga ajangzüktsü,” ta paisa shisem.
Iba sentong nung Commandant, 22 AR, Phek, Colonel, R.K Vikram, Additional SP, Phek, Joseph Thongli aser Station Superintendent, NST, Phek, Metsiviko Meyase nunger dena liasü.
Station Superintendent NST, Phek, Metsiviko Meyase-i, AR helipad amshiba dak sendakba nung security kuli kar aser passenger kanga ishika dang asüba ajanga helicopter service anena liasü, ta metetdaktsü.
Ajisüaka Department-i Phek district atema wazüka aliba tesem ka teti acha ayanga aruogo, ta shia paisa nüburtem dang iba service maneni alitsü atema iba service agitsü asoshi mepishia metetdaktsü.
Tang department-i M/S Global Vectra Helicorp Ltd den partner sür state kübok district ajak nung iba service agi ayimjemer.