Phek nung Sanitization & awareness campaign sentong ka agi

Dimapur, Yimpoksüi/November 19 (TYO): Office of the Commissioner for Persons with Disabilities den longjemer Mission Mode Team (Accessible India Campaign)-i ayongzüka state sorkar ketdangürtem atema Right of Persons with disabilities (RPWD) Act, 2016 dak sendakba nung Sanitization & awareness campaign sentong ka ayongzüka agiogo.

Iba sentong ya DC conference hall, Phek nung November 16 nü agia liasü.

Sentong nung Nagaland sorkar Commissioner and Secretary aser Team Leader, Mission Mode Team (AIC), K. Libanthung Lotha, IAS-i sensitization and awareness campaign indang jembi aser Advocate, Guwahati High Court Kohima Bench, Apila Sangtam-i, Court Directive/ Legal Implications of Non-Compliance onük nung jembia liasü. RPwD Act 2016 overview, benokba jenjang aser tarutsü indang State Commissioner for Persons with Disabilities, Diethono Nakhro-i jembia liasü.

Parnoki, state yimtiba aser district ajak nung public ki tongtibangtem asadangba sülen team-i, rights of people with disabilities dak sendakba nung sanitation and awareness campaign ka ayongzüka agitsü atema sorkar dangi aben, ta ashi. Parnokisa, item nisungtem atema tetsükdaktsü kecha makaba talidak ka renemtsütsü aser alima tajungba ka yangertsü atema nüburtem nem tangazükba agütsütsü nükjidong nung iba sentong ayonga agir, ta ashi.

India ya rights of persons with disabilities dak sendakba nung United Nation Convention nung sign ser aliba linük ka lir, anungji parnok lenla ajak nung tangar den kasa jenjang nung benshitsü atema renemtsütsü nüngdaker, ta parnoki ashi. Tetsükdaktsü maliba talidak ka renemtsütsü atema inyakyimtem rongnung osang, tongtepretep aser tanga mapa tem sendaka lir, ta sentong nung o jembirtemisa ashi.

Iba sentong ya Deputy Commissioner, Phek Razouvolie Dozo lenisüba nung agi. Iba sentong nung HoD tem, NGO tem, Arogo tenzükertem, GB tem aser tejangrartem dena liasü.