Phek nung tetsür music band tetoktepba agiogo

Phek, Chiteni/July 25, 2019 (TYO): “Beti Bachao Beti Padhao” (BBBP) campaign nung ajemdaker July 24, 2019 Bodbarnü Phek Badminton Stadium nung tetsür music band tetoktepba sentong takok ngua agiogo.
Iba sentong nung Deputy Commissioner, Sachin Jaiswal IAS-i o jembiba mapang pai, shilem agir ajaki takok monguaka, shilem agir shia dak tetoktepba tanüla aser shisatsü alitsüla, ta metetdakja liasü.
Sentong nung “Beti Bachao Beti Padhao” onük nung ajemdaker WWO, DLCW MSK Phek, Vilenuo Kopu-i powerpoint ajanga presentation agüja liasü.
Tetsür music band tetoktepba sentong nung Government Higher Secondary School nungi tetsür band-i mezüngbuba jenjang nung takok angu. Kasa mapang Christian Mission School aser Bishop Abraham Memorial School nungi first aser second runners up ngua liasü.
Sentong nung SDO Civil Lemlila Sangtam-i tepela anküp o jembi. Iba sentong nung tetendanger temji Secheku Children Music Ministry, Director, Khrowutso Letro, Khuza PHC, Medical Officer Dr. Kuosalhou Lohe aser PTBC, church pianist den music Teacher, Küvesühlü Khesoh nunger liasü.