Phek nung ‘World Wild Life Week’ sentong agi

Dimapur, October 3 (TYO) : October 3, 2015 nü Phek Forest Division-i World Wild Life Week sentong ayongzüka agi.

Iba sentong nung Rongsenlemla Imchen IFS, DFO Phek-i arem shiruru aser molulem kümzüka ayutsü indang osang metetdaktsü.

Sentong nungsa Phek DC, Murohu Chotso-i arem shiruru aser mintem kümzüka ayutsü atema ayongzük aser Village Forest Resolution mapa küma inyaktsü tetuyuba agütsü.

Iba anogomung nung Phek nung aliba school tem nungi Eco Clubs atema “Wild Life & Ecological balance” indang poster painting competition ka ayongzüka agi.

Sentong nung District Administration, Police, Chakhesang Mothers Association, Village Council Members, local functionaries, Gaonboras, Dobhashis, Student Union aser mulungtet teloktemi shilem agi.