Phek: PDVFA Office November 14 nü lapoktsü

Dimapur, October 29 (TYO): Nagaland MLA, Kuzholuzo Nienu-i Phek jila nung Phek District Veteran Football Association (PDVFA)  Office ki lapoktsütsü renemba osang ka PDVFA-i tanü sangdong ka ajanga metetdaktsüogo.
Taruba 2017 küm February ita tetenzüklen agitsü ayongba 8 buba Nagaland Veteran Football Association (NVFA) championship atema terenemshiba agia, tan PDVFA Office-ji lapoktsü renemba osang angazükogo.
PDVFA züngsem ajunga aser 8 buba NVFA asayamong den sentakba luden balala nung züngsemtemi Office ki lapokba sentong nung shilem agitsü tayongzükba olen ka PDVFA Press Secretary, Kuzhovesa Soho-i kasa sangdong ajanga ayonga ashi.
Ano külen, 8 buba NVFA asayamong nung shilem agidaktsütsü asoshi asayartem tatemsüa shimtsü sentong Phek Town Local Ground nung taruba November ita 8 nikongtsütsü 1:30 ako nungi tenzüka agitsü renemba osang ka kasa sangdong ajanga metetdaktsüogo.