Phesama, National Highway nung gari tila senzütsü melar

Kohima, September 10 (TYO): Tanü Senior Superintendent of Police Kohima, Nagaland-i sangdong ka ajanga Kohima kübok Phesama nung aliba National Highway nung anentsüh alua aliba ajanga gari mesenzüteti liasü, ajisüaka gari tila khen nung senzütettsüsa (single lane traffic) lapokogo, anungji gari tila aser passenger garitem iba lenmang nung senzütsü melatsü, ta metetdaktsü.
Ajisüaka gari tulutem bo (heavy vehicles) memelatsü, iba den külemi lenmang teyanglushidak asünungji gari senzütsüji lenmang dak dang keta lir aser mapang kaka nungbo shibangtsüa akok, ta kasa sangdong ajangasa metetdaktsüogo.

You must be logged in to post a comment Login