Phezoucha Nagamese Baptist Church küm 10 jungogo

Dimapur, February 28 (TYO) : February 26, 2017 nü Phezoucha Nagamese Baptist Church küm 10 ajungba benjung mungogo.
Iba sentong nung NBCC General Secretary, Rev. Dr. Zelhou Keyho-i o jembidang, arogoi lanurtem anepalua indaktsütsü aser tarutsü putu dak temulung agütsütsü ayongzük.
Apijemtsu Shin 1:7- “Kibuba tsübubaji shisatsü tetenzük lir…” tekong nung ajemdaker Rev. Zelhou-i arogo dang lanurtem nem Tsüngrem temeim angatetdaktsütsü aser ibaji ajanga tarutsü anogotem nunga arogotem tashi itta alitsü ta ashi.
Phezoucha Nagamese Baptist Church ya Nagamese Baptist Churches Association kübok züngsema aliba arogo ka lir aser Nagaland Baptist Church Council (NBCC) nunga züngsema lir.
Mezüngbo, iba arogo ya New Secretariat area, Kohima nung lapoka liasü. Iba arogo nung kin balala nungi züngsemtem lir aser parnok teimbaka Secretariat area nung alir.