Philippines nung tetsür dak tashiyim mapa nokdangtsü atema lokti tsüngsang sentong ka aka

Manila, February 14 (Agencies): Deobarnü Manila nung tetsür noklang aika sentepa “One Billion Rising” sentong den sentaktepa tsüngsangba sentong ka agia liasü. Iba sentong ya tetsürtem dak tashiyim mapa inyakba meshi meshia anendaktsütsü nükjidong nung akaba lir.
Tetsür noklang pezü shi-i “One Billion Rising” indang tula, pink sentsü, semer anepdang 7:30 ako nung Rizal Park nung sendena tsüngsangtsü tenzük, ta EFE osang ajanga metetdaktsü.
Linük nung nüngtugu University aika nungi kaketshirtem aser yimti tesem ajaklen nungi nübur aikati iba sentong nung arua shilem agi.
“One Billion Rising” campaign ya “The Vagina Monologues” kaket zülur, America tsür Eve Ensler-i 2012 küm tenzükba lir aser la-a tan iba sentong nung shilem agia liasü.
Sentong nung shilem agir timba ka tetsür liasü ajisüaka Philippines Congress nung züngsem Neri Javier Colmenares den tebur tangara kar kasa sentong nung shilem agi.
February 10, 2016 nüa nisung noklang aika Cebu yimti nung adenshia kasa tsüngsangba sentong ka ka-a liasü.

You must be logged in to post a comment Login