Philippines o Vietnam nati sentaktepshitsü nangzüktep

Manila, November 17 (Agencies): Philippines aser Vietnam na tsüngda tesendaktep tajungba küma yanglushitsü asoshi Philippines Tir, Benigno Aquino aser Vietnam Tir, Truong Tan Sang nati tanü Mongolbar nü nangzüktepogo.

“Kidangsüa aliba linüktem rong nung South China Sea den sentakba mangatettep ken o adokba ajanga linüktem rong nung tamang mekateti kümdakja tensa mejungi kümdaktsüba den sentakba tebilemtsü khuret Tir Aquino künati tanü benoka jembiogo,” ta Sang-i tesülen metetdaktsü.

Ajisüaka, tan par linük ana tsüngda sentaktepshitsü asoshi nangzüktepba ajanga par linük anati külemi lungjemer khuret ajunga amalitepa abentsü imlaba olen ka pai lemsatep.

“Tan sentaktepshitsü tezüngzüktep agiba ajanga ozü linük ana tsüngda amalitep alitsü aser rongsenren, aluyimtsüren aser linük o tzüyim kümzüka ayutsüren shilemtem nung ozü linük anapronglai tajangzük tulu angutsü tamang akar,” ta Aquino-ia metetdaktsü.

Philippines aser Vietnam napronglai South China Sea den sentakba mangatettep ken o China den tang benoka lir.