Philippines:Police aika Valentine’s Day nü külemi kibong aküm

Manila, February 14 (Agencies) : Mongulbarnü Philippine National Police (PNP) nung inyaker police tem aika Valentine’s Day nüngtem nung külemi kiyim kuli agia kibong kümogo.
Quezon yimti nung parnok kiyimlatem, tetsür 21 gown temesüng semer aser tekolak nung veil mesangloker aisle-i atu.
Parnok atuba mapang choir temi ken aten aser silk tula anüngsentsü sema alir, tetsür chanutemi parnok dak naro prokloktsü, ta Philippine National Police-i ashiba osangbenertemi metetdaktsü.
Philippine National Police tenzüker küm 25 jungogo aser tang amai police tem asoshi angati telok kiyimba sentong ayonga agi yonga arur.
Iba ama telok kiyimba ya parnok mapa nung ano tali tashi itshidaktsütsü aser kati ka dang aria bilemba tali kümdaktsütsü nükjidong nung ayonga katsür, ta ketdangser tejen kati ashi.
Telok kiyim kuli agiba ya Philippines nung kanga bulua angutsü. Item sentongtemji Arogo, lokti balala aser sorkar-i nüburtem kiyimba mapang Roman Catholic yimsü dak keta aliba kiyimba inyakyim nung sen aika lalutsü aliba nungi kümzüktsü asoshi parnoki senotsü nung yaria tenla kidang, town hall aser gymnasium tem nung dena ayonga agitsür.