Phillauri film-i anogo ka nung sen crore 4 ajangzük

New Delhi, March 25 (Agencies): Anushka Sharma-i tongti shilem agiba film ‘Phillauri’ sayaba anogo nung nüburtemi kanga junga agizükogo. Linük ajunga nung, talisa anüdoklentiplen iba film kanga sapua reprangtepogo. Iba film nung la asür tanüla ka ama adoker.
‘Phillauri’ film sayaba anogo nung crore 4.02 ajangzükogo. Tajangzük ajak senteper lemdang nung North India nungi shilem 52 aazüka liasü. “Phillauri sayaba mezüng anogo kanga junga tenzüktetba atema kanga pelar. Iba film ya tain tanur ajaki jangratema reprangtsüba film ka lir,” ta Fox Star Studios, CEO, Vijay Singh-i ashi.
‘Phillauri’ yangludang sen ajak agi crore 21 endoka liasü, aser tang tashi nung ‘satellite’ aser ‘music rights’ ajanga crore 12-bo menokogo, koba ajanga iba film tajangzük aketba film ka asütsü nükla sayur.
Iba ‘comedy-drama’ nung Anushka tongti shilem agiba den külemi Diljit Dosanjh, ‘Life Of Pi’ actor Suraj Sharma aser Mehreen Pirzada nungertemi shilem agir.
Anshai Lal lenisüba kübok iba film yanglu, aser theatre-tem nung 2017 March 24 nü sayaa liasü. ‘Phillauri’ film ya Fox Star Studios aser Clean Slate Films nati sentepa produce asü.