Phillauri film-i sen crore 22 aazüka lir

New Delhi, March 31 (Agencies): Anushka Sharma aser Diljit Dosanjh nati tongti shilem agiba ‘Phillauri’ film ajanga Brehostibarnü tashi nung sen crore 22 aazüka lir.
‘Phillauri’ film ajanga Brehostibarnü sen crore 1.65 aazük aser iba ajanga tang tashi nung sen crore 22.68 aazükogo.
Iba film ya Fox Star Studios aser Clean Slate Films ajanga yanglu. Iba film ya sen crore 21 indoka yanglu aser satellite aser ken atenba temeden nungi sen crore 12 aazük.
“Phillauri ajanga iba film reprangertem ngutetogo aser parnoki iba film ama libaliroa aoer. Iba film ajanga meilongi süaka sen aazükba ajanga onok pelar,” ta Fox Star Studios indang CEO, Vijay Singh-i ashi.
Phillauri film nung Diljit Dosanjh, ‘Life Of Pi’ nung adoksang, Suraj Sharma aser Mehreen Pirzada nungeri adoker. Iba film nung Anushka Sharma-i tongti shilem agir. Film ya March 24, 2017 nü saya.