Phir Bhi Dil Hai Hindustani film tamakok ajanga ni tashitaitba aküm:SKR

Mumbai, Aenjeti 22 (Agencies): Nüngtugu actor Shah Rukh Khan-i pai produce asüba film “Phir Bhi Dil Hai Hindustani” koba 2000 küm sayaa liasü, iba film ya bilemtetshia ashiba agi, iba film tamakok ajanga pa tali tashi taitba kümdaktsü.
“Iba film kanga dang special asü. Film kanga dang majung asü. Aziz Mirza, Juhi Chawla aser ni iba film tamakok anguba ajanga tali tashi taitba kümdaktsü. Love ‘Phir Bhi Dil Hai Hindustani'” ta Shah Rukh-i tweet asü.
Iba movi ya Shah Rukh-i Juhi Chawla aser Director Aziz Mirza den külemi Dreamz Unlimited ta sür production house ka kümtetba ajanga produce asü. Iba production house ya mapang tatsüka lir tang aliba Red Chillies Entertainment-i melen.
“Phir Bhi Dil Hai Hindustani” nung Shah Rukh-i, Ajay Bakshi aser Juhi-i, Ria Banerjee shilem agi. Iba film otsü ya kanga dang toktepba news channels ana nungi television reporter ana indang otsü lir, shirnoki nisung ka politician ka ket nungi kümzüktsü meranger.