Dimapur, June 07 (TYO) : June 6 anogo ya Phom nunger anogo (Phom Day) lir. Küm 64 jakdang iba anogo nung Phom nungertem yimjung nung alitsü bangjem aser iba anogo nungi tenzüka Phom nungertemi iba anogo mamadoki amonger.
Taküm 2016 küm-a 64 buba “Phom Day” June 6, 2016 nü Longleng nung mongogo aser iba sentong nung Parliamentary Secretary, Land Resource of Exercise, Wb.Nganlang Phom tongti tesemdanger liasü.
Iba anogomong sentong nung jembidang, Nganlang-i tamalen Phom nunger lenirtemi Phom lima nung yimjung alitsüsa inyakba mapatem bilemteta tenüngsang agütsü aser tanüa kasa tangatetba nung Phom nungertem rongnung tesempatep aser pei ajungdang bilemba shisatsü melii ajak den putepa alitsü merangtsüla ta tayongzükba ken o ka metetdaktsü. “Asenoki yimjung alitsüba indang tebang agidang jembir mapa agi mesayutetra, iba anogomong amongba ya amajok asütsü,” ta paisa ashi.
Iba sentong nung Phom People’s Council tir Wb.H.Leisha Phomi telok pelaa agizüka jembi aser Longleng DC Wb.Y. Denngan Avennoho Phom-i tepela aser tayongzükba o tatsüka jembia liasü
Iba anogomong sentong longsudakja Hukphang Unionla Longleng aser Yongshei Union Longleng nati yartsüngsang sayua liasü.
You must be logged in to post a comment Login