Phomching nung KGBV Girls hostel semzük

Mon, Luchii/December 15 (TYO): December 14, 2018 nü Phomching jila nung Advisor, Fire & Emergency Services, SIRD, Relief & Rehabilitation, Pohwang Konyak-i Government High School & KGBV Girls Hostel Building semzüktsüogo, ta ketdangsertem osang ka ajanga metetdaktsü.
Iba sentong nung jembidang Advisor-i yimertem dang iba school kiojenji junga anepalutsü mepishiba den külemi nüburtem dang tesem nung terenlok mapatem nungittsü aser tebilemba onüktem lemsateptsü ayongzük.
Kasa sentong nungsa Director, School Education, Wongthungo Tsopoe-i yimdaklirtem aser kaketshirtem dang tesayurtem den amalitepa alitsü ayongzük.
Deputy Commissioner, Mon Thavaseelan K, IAS-ia Village Council aser kaketshir tentettem dang tesayur temelen inyakdaktsüba anema inyaktsü ayongzük. SDO (C) Phomching, James T. Khulu Tikhir-i lokti pelaa agizükba o jembia liasü. Iba sentong ya Chingmei Konyak leniba nung agi aser Wangnyem Konyak-i tepela anküp o jembia liasü.