Phonetics tesayurtem nem tesayuba agütsür

Kohima, Feb. 11 (TYO): Sorkar school nung sayurtem dang English ola osü shitak adoka sayuba “Phonetics Teachers Training” sentong ka yangi Zonal Hall, Kohima nung tanü nungi tenzükogo. Iba sentong ya anogo asem nü agitsü.
Iba sentong lapoka jembidang, Additional Secretary, G. Khevishe-i tesayurtem dang, tanurtem dang sayudang ola aser osü shitak adoka sayutsübaji kanga tongtibang, anungji iba sayuyimji jungjunga angazüker sayutsüla ta metetdaktsü.
Tang ama tesayuba agütsüba sentong ya School Education department-i mapang shia tesayurtem asoshi ayongzüka katsütsü asoshi paisa ayongzüka ashi.
Iba training dang ya “Synthetic Phonics Teaching with Jolly Phonics” ta ajar aser iba sentong ya Mumbai nungi Jolly Phonic nung Managing Director & Principal, Shainaz Sussa-i agir. Iba sentong ya Honibar nü tembangtsü.

You must be logged in to post a comment Login