Phushika Awomi Officer to CM shim

Dimapur, October 29 (TYO) : Nagaland Chief Minister, T.R Zeliang-i mongin social activist Phushika Awomi pa indang Press Officer inyaktsü atema shimogo.
Awomi ya 2011 nungi NPF Central Office nung Associate Press Secretary ama inyaka arur.
Pa Naga Students’ Federation (2005-07) nung President inyak aser ibaji masüdang NSF (2003-05) nungsa Speaker inyak. Dimapur Naga Students’ Union (2001-03) nunga Awomi-i President inyaka liasü.
Press Secretary to the Chief Minister, Sebastian Zumvu-i tanü Awomi Chief Minister’s Office Media Cell nung pelashishia agizük.
Pa adenba ajanga Media Cell tali ajangzüktsü imlar aser lanur youth activist ka shimba atema Chief Minister dang pelar, ta Sebastian-i metetdaktsü.