Pietersen-i S Africa T20 asaya nung shilem agitsü

London, September 08 (Agencies): Britain nunger batsman, Kevin Pietersen-i Durban nung tentetba KwzZulu-Natal Dolphins telok tenüng nung South Africa-i oa idakji ayongba Twenty20 (T20) asayamong asaya 5 nung shilem agitsü sentong renema lir.
“Ni Durban semdanga idakji asayatsü ayongba T20 asayamong nung Dolphins telok tenüng nung shilem agitsü yongyar,” ta arishi küm 35 tain Pietersen-i metetdaktsü.
Arishi küm 17 tain alidang, 1997 küm mezüngsüa international sabang nung takok tulu ngua shilem agisang, Peitersen-i taruba October ita 29 nü nungi November ita 15 nü tashi asaya 5 nung shilem agitsü.
Pa sayutetsang, Clive Rice-i ajungmesoba sülen Peitersen-i Britain-i oa par linük tenüng nung cricket asayaba sülen ajak agi runs 13,779 yanglua cricket shilem ajunga nung international runs timba agir asayar aküm.