Pilgrim Higher Sec., Dmr nung IPC & Traffic rules seminar agi

Dimapur, August 19 (TYO): August 19, 2017 nü Pilgrim Higher Secondary School, Dimapur nung class 9 nungi class 11 nung azünger kaketshirtem atema Indian Panel Code (IPC) ozüngtem aser Traffic Rules temzüngtem indang seminar ka ayongzüka katsüogo.
Iba sentong nung shisalen sayurtemji, Assistant Commissioner of Police, ‘A’ Division East Police Station aser, Kaino H. Sema, NPS na leniba nung arua liasü.
Sub Inspector, Chopika Sema-i Common laws IPC, domestic violence atema temerenshi balala, tanur mapa tasak inyakdaktsüba, cyber crime, tetsür anema benshibatem aser tashiyim amshia taküm raksatsüba ozüngtem indang jembia liasü.
Tanabuba sentong nung Traffic Police Department, Zone 1 Dimapur nungi Sub Inspector, Bokato-i kaketshirtem dang traffic ozüngtem aser road safety dak sendakba nung jembia liasü.
ACP, Kaino H. Sema-i Police Department indang branch balala indang metetdaktsüba den FIR, juvenile aser cyber crime indang temerenshi balala indang metetdaktsü.
Paisa kaketshirtem dang, lokti ajungtsü atema tangatetba tajung aliba senso kaka asütsü ayongzüka liasü.