Pilgrim school-i ayonga art exhibition kaogo

Dimapur, Oct. 01, 2015 : October 01 nü Pilgrim School Art exhibition sentong nung tetushi tejaoker, Theja Meru noksa nung angur. Noksa nungsa Pilgrim School tanurtemi yangluba Art kar angur. 

Dimapur, October 01 (TYO): Brihostibar nü Pilgrim School, Dimapur-i ayongzüka school Chapel Hall nung Nursery nungi Class 10 tashi ” Every child an artist” omen nung art exhibition ka kaogo, iba sentong nung Rattle and Hum Music Society Tir, Theja Meru tetushi tejaoker liasü.
Iba sentong nung jembidang tetushi tejaoker, Meru-i, tanur shiaji pei capacity nung artist kaka lir, art ya drawing ka yangluba dang masü saka pei-i ajangshiba aser pei indang rasaa sayutetba lir, ta ashi.
Paisa, “Asen taküm nung temelenshi kanüra asenok dak ART – Attitude, Responsibility aser Time management alitsü nüngdak,” ta ashi.
Tesülen tetushi tejaokeri telemsa balala nung takok angur kaketshirtem nem sempet lemshia agütsü.
Iba dak alia art work ajungaji school Chapel Hall nung sayaba sülen ayok.
Tanep iba sentong nung school headmistress Kaini Khekho Kikon-i lokti pela agizük.
Art exhibition Class A & B category nung mezüngbuba jenjang nung takok angurji, Class B1 nungi Limhathung (Class B1)liasü, tanabuba jenjang nung takok angurji Livini G Zhimo (Class B1) aser tasembuba jenjang nung takok angurji Chengnuy (Class A1) liasü.
Class 1 & 2 category nung 1st prize ji Azavika (Class 2); 2nd- Darin (Class 2) aser 3rd Visi (Class 2) liasü, Class 4 & 5 category nung 1st Elita (Class 4) 2nd Hito (Class 3) aser 3rd- Lansanaro, Class 5-7 category nung 1st Kivitoli (Class 7) 2nd Akivito (Class 5) aser 3rd Awe (Class 5) liasü, Class 8-10 category nung 1st Sentimongla (Class 6), 2nd Hoiting (Class 10) aser 3rd Wati (Class 9) liasü.