Pilgrim’s Boutique Hotel lapoktsüogo

Dimapur, Chiuteni/July 30, 2019 (TYO): Dimapur nung July 30, 2019 Mongolbarnü Pilgrim’s Boutique Hotel lapktsüba sangdongogo. Takdang 13 aketba Hotel ya Lakeview Colony lenti nung lir aser iba hotel ya shishilemba aser chiyongba tesem anasa lapoka lir. Iba Hotel ya tesem balala nungi arur shishilembar (Business) aser ainlen senzürtem atema anisüngzükdak tesem tetemjen ka asütsü.
Pilgrim’s Boutique Hotel nung aliba takdang tulutem ya hotel achaayanger mongintemi international jenjang den asadanga aser medemdanga yanglutsüogo. Takdang telung nung sentsü tapet nülokja kanga dang tepor junga yangluja lir aser iba denji külemi anisüngzüka kazütsü aser mejengtsü asoshi tajung asütsü.
Iba dak alia, takdang den balcony, bathtubs, wifi, safes, air conditioning, sofas, queen sized beds, deluxe king & twin, kibong atema takdang balaka aser master suite den nija balcony aser tanga aika densema lir.
Pilgrim’s atema customer service ji teinyaktsü rongnung maparen tongtibangtiba lir. Ibayongji 24-hour reception service den senzüsenpongtsü atema garitem achaayangtsütsü.
Iba ama tepor tajung Hotel yaglutsü asoshi local osettsüset aser Naga nunger sempet tajung amshiba asoshi nüma-atanger, ta Hotel kibur, Daniel Longkumer-i ashi.
“Iba hotel yangluba mapang onoki local product tem talisa Nagaland nungi lung, granite (Lung tapu ka) aser au (bamboo) amshiogo. Süng amshiba maparen tsütsü Alo Angami-i bendanga agüja inyakogo. Iba dak alia, lighting tsütsü Akum Jamir aser merang meri welding atema Chati Jamir nati inyaka liasü,” ta Daniel-i ashi.
“Hotel ka nung yipden nung talemtsü aser tabenba süoshi (bedding) tem ya tongtibang shilem ka lir, ta asenok ajaki ajangshiogo, ajiasünung mapang talangka bushisüngdangba sülen, onoki world-class bedding yanglutsüogo. Dream Master nungi onoki mattresses, sheets aser pillow tem bener aru, koba tongtibang hotel tem atema European bedding brand – Dream Master yagi quality aketba product tem yanglutsür,” ta aonung ayip janga mejangba indang lemsatep dang Daniel-i ashi.
Maneni, Pilgrim’s Boutique special opening room jenjang aonung ka atema sen 2499/- asütsü aser 30% discount nung angutsü aser aji September 30, 2019 nü tashi asütsü. Iba sen jenjang nung nisung ana atema breakfast densema lir. Ainertem atema Hotel nung restaurant tila ya breakfast atema dang asütsü.
Reservation atema, customer temi mobile number:+91 6009446040 mesüra email: reservation@pilgrimsboutiquehotel.com ajanga tongtepratepang.
Iba dak alia, hotel indang website: pilgrimsboutiquehotel.com mesüra social media sabang www.facebook.com/pilgrimsboutiquehotel ajanga metetpelatsü akok.