‘Pink Panther’ film nung shilem agisang, Kwouk süogo

London, May 24 (Agencies): Nungutu comedy film, ‘Pink Panther’ nung Inspector Clouseau’er kilir, Cato Fong ama shilem agisang, Britain nunger Burt Kwouk arishi küm 85 tain lia, tanü, Mongolbar nü asüba osang jangjaogo.

England anüdoklentip tsütsülen asoba sülen China kübok Shanghai nung anitetsang, Kwouk-i 1950s nungi tenzüka British television sentong nung shilem agitsü tenzük.

Pai taoba küm 60 shi shilem agiba film-tem rong nung ‘Last of the Summer Wine’ aser 1980s mapang yangluba tongpang raraba otsü film, ‘Tenko’ aser James Bond film, ‘Goldfinger’ nunger kanga dang nungtugu lir.

Ajisüaka, pai shilem agiba film rongnung tongtipangtiji ‘Pink Pather’ film-tem lir.