Pinnacle Skills-i HSBC’s skill training program agütsütsü

Dimapur, April 05 (TYO): Hong Kong & Shanghai Banking Corporation Limited’s (HSBC) programme ‘HSBC Skills for Life’ agütsütsü atema India linük nung shimba tentet 28 rongnung Nagaland nung amenoka aliba Pinnacle Skills densema lir, ta tanü ketdangsertem osang ka ajanga ametetdaktsü.
‘HSBC Skills for Life’ ya HSBC India kübok achaayangba sen crore 100 indang küm pongu mapatong ka alir, koba ajanga mapa aser entrepreneurship-linked skill development nung rangloktsü aser maongka junga manguba lanurtem, tesayurtem aser shsai agütsürtem skills ajungkettsütsü aser srongsenkettsüng shisatsü ajanga tetsürtem nem tashi agütsütsü.
Iba programme kübok Pinnacle Skills-i Nagaland nungi lanur 580 nem hospitality, IT-ITeS aser Telecom ama sectors nung training agütsütsü.
Iba programme agütsütsü atema shimba tentettem nem April 2 & 3, 2019 anogotem nung Orchid Hotel, Mumbai nung Partner Orientation Workshop katsüogo.
Iba workshop nung jembir tongtibang nisungtem rongnung HSBC India CEO, Surendra Rosha, Senior V.P & Head of Corporate Sustainability HSBC, Aloka Majumdar, Partner of Deloitte Touche Tohmatsu India Pvt Ltd, Kumar Kandaswami aser EduBridge Learning Pvt Ltd CEO, Girish Singhania nunger liasü.
Iba workshop nung Pinnacle Skills nungi adenertem team rongnung Chief Executive Dr. Yan Murry, Executive Director, Jenny Haining Murry aser Head of Operations, Debojyoti Sarkar nunger liasü.
Iba training programme atema admission ji Pinnacle Skills centres nung April 2019 nungi tenzüktsü.