Piphema nung asür Captain Medo den asüpila sentong alitsü

Kohima, August 29 (TYO) : NSCN(K) nung asür Captain Medoneizo Nakhro (Medo) den asüpila sentong Piphema nung Deobar anepdang 11:30 ako nung alitsü.
Asür Captain Medoneizo Nakhro (Medo) ya Piphema A yimer Thepfiinyhie Nakhro’er jabaso tambusang lir aser pa May 9, 1974 nü aso.
Pa 1989 küm Naga Army nung züngsem aser August 28, 2015 nü Pangsa, Noklak, Tuensang district nung India nunger sepaitemi kahset, ta par kinüngertemi sangdong ka ajanga metetdaktsü.
Asür Medo-i kinüngtsü den jabaso asem aser jala ka toktsür alima nungi pilaogo, ta parnokisa shisem.