Pirates teloki Pro Kabaddi takok marok angu

Hyderabad, August 01 (Agencies): Patna Pirates teloki Jaipur Pink Panthers telok madak final asaya koka, 4 buba Pro Kabaddi League asayamong takok marok yashi, Deobar nü agizükogo.
Captain Dharmaraj Cheralathan-i aniba Pirates teloki minute 40 shi nung points 37-29 ngua Panthers telok madak takok angu.
Yashi final asaya nung points 17 ajangzüksang, Pirates asayar, Pardeep Narwal-i Best Raider sempet aser külem asayar, Hodi Oshtorak-i Best Defender of the Match sempet agizük.
Tan takok anguba ya Pirates teloki Pro Kabaddi League takok marok 2 buba atonga agizüker lir.
Ano, Telugu Titains asayar, Rahul Chaudhari-i tan asayamong nung ajak agi points 146 ajangzüka, Most Successful Raider sempet agizüka liasü.
Ano külen, Deepak Niwas Hooda-i ajak agi points 17 yangluba densema, par Puneri Paltan teloki ajak agi points 40-35 agi Telugu Titans telok madak takok ngua, tan asayamong nung 3 buba jenjang ajangzüker telok yashi, Deobar nüsa akümba osang jangjaogo.