‘PK’ film Japan nunga sayatsü

Mumbai, June 10, 2016 : December 2014 nung sayaba PK film ajanga India nung sen timtiba aateta liasü aser Bollywood superstar, Aamir Khan-i shilem agiba iba blockbuster film ya Japan nunga sayatsü, ta sangdong ka ajanga metetdaktsü.

Iba film ya Vinod Chopra Films, Rajkumar Hirani Films aser UTV Motion Pictures tem den Japan entertainment company Nikkatsu Corporation lokteper sayatsü.

“PK” film nung Aamir den Anushka Sharma aser Sushant Singh Rajput natia shilem agia lir aser iba film ajanga India, China, N America, Gulf, Britain aser Australia linüktem nungi sen crore 700 aatettsü.

Iba film ajanga India kija nunga sen crore 472 aser bendanglen sen 306.8 aatettsü.