PL 2015-16: Arsenal teloki 3 buba jenjang angur

London, April 22 (Agencies): Alexis Sanchez-i goal 2 tashi agüja kanga junga shilem agiba ajanga par Arsenal teloki goal 2-0 agi West Bromwich Albion telok madak yashi, Brehostibar nü takok ngua Premier League (PL) asaya asayaogo.
PL asyamong nung shilem agir telok tarensen nung 5 buba jenjang abener, Manchester United telok den point 1 agi temaba ngua, Arsenal teloki 4 buba jenjang bener yashi asayaji asayatsü tenzük.
Aji oda, par teloki yashi asaya akokba sülen par teloki ajak agi points 63 ajangzüka, temaleni jenjang ka atutsü maongka ngua tang 3 buba jenjang tongogo.
Tan takok anguba ya Arsenal teloki PL asaya 500 buba akoker lir.
Sanchez-i yashi asaya tenzüker minute 6 buba nung West Brom goalkeeper, Ben Foster ajangdanga ball metsüokja par Arsenal telok asoshi mezüngbuba goal agütsüba sülen asaya mezüngbuba shilem tembangtsü minute ishika anünga alidang free kick ball takok ngua metsüokja goal agütsüba yong par teloki takok ngua liasü.
Tan goal 2 agütsübaji densema, Sanchez-i tan PL asayamong league asaya 4 nung par Arsenal telok asoshi goal 5 buba agütsür lir.