PL: Manchester City-i 3 buba jenjang angur

London, April 23 (Agencies): Nigeria nunger striker, Kelechi Iheanacho-i goal 2 tashi agüja kanga junga asayaba yong par Manchester City teloki goal 4-0 agi Stoke City madak takok ngua tanü, Honibar nü Premier League (PL) asaya asayaogo.
Tan takok anguba ajanga City teloki Arsenal telok den temaba jenjang ngua, tang tasayadak PL asayamong nung shilem agir telok tarensen nung 3 buba jenjang tonga atur lir.
Tanü asaya tenzüker minute 35 buba nung Jesus Navas-i goal 1 agüja par telok temaba jenjang nung ajungkettsüba sülen külem asayar, Sergio Aguero-ia minute 43 buba nung goal 1 agüja par City telok goal 2-0 agi Stoke telok den jenjang tajungba kümdaktsü.
Tanü agütsüba goal-ji Aguero-i tan asayamong nung par telok asoshi goal 16 buba agütsür liasü.
Tesülen, arishi küm 19 tain Iheanacho-i asaya tenzüker minute 64 aser 74 buba na nung goal 2 agütsüba yong par City teloki goal 4-0 agi Stoke telok madak takok nguadok.