PL: West Brom-i sen mn 13 agi Chadli nübo alizükogo

London, August 29 (Agencies): England nung ayongba tongti football asayamong, Premier League (PL) nung shilem agir asayar telok, West Bromwich Albion-i Tottenham Hotspur winger, Nacer Chadli par telok tenüng nung asayadaktsütsü atema pa nem otsüsütsüsa pound sen million 13 tashi tanü, Hombar nü agütsüogo.
Belgium international asayar, Chadli-i Bromwich telok tenüng nung küm 4 tashi asayatsü tezüngzüktep tanü agiogo.
“Ni Bromwich telok nung züngsemtsü maongka anguba atema kanga pelar. Iba telok nung manager aser asayartem tajung lir aser onoki aroki lungjemer takok jenti angutsü imlar,” ta Chadli-i metetdaktsü.
Arishi küm 27 tain Chaldi-i Tottenham asayar ka ama asaya 119 nung shilem agidang goal 25 tashi takok ngua agütsüba osang bushitetogo.