Plastic mamshitsü ajungshia Kisama nung stall ka lapoka lir

Kohima, Luchii/December 06 (TYO): Bamboo Pavilion, Kisama nung lanur entrepreneur temi “Coming Generation Kohima” stall lapoka lir, aser iba stall nung plastic mamshitsü ajungshia “Nagaland says no to plastic” keta aliba osettem ayoker, ta tanü ketdangsertem osang ka ajanga metetdaktsü.
Entrepreneur lanurtemi iba stall lapokba nükjidong ya plastic bags masü saka samatsü akokba agi yangluba osetem amshitsü nükjidong nung lapok.
Tan benjung mongpu nung iba stall lapokba ya Hornbill festival nung plastic bags den non-degradable oset mamshitsü sentong den sendaktepa lir. Iba ya ajanga tzü mopung memenentsü asoshi degradable items amshiba ajungkettsütsü.
Iba stall nung narikol aser kozü tou agi yangluba osettem den sü agi yangluba yangkhu, spoon, fork aser shidi agi yangluba bags angutsü.
Hornbill festival mapang nung kümshia iba ya benshitsü, ta Assistant Project Coordinator, Wawe-ii Kenye-i metetdaktsü.