Platini-i FIFA Tir election nung metokteptsü lemteter

Paris, January 08 (Agencies): Tang temerenshi ngua aliba UEFA lenisang, arishi küm 60 tain Michel Platini-i taruba FIFA Tir election nung candidate ka ama shilem magitsü lemtetba osang ka metetdaktsüogo.
“Ni FIFA Tir menden asoshi metokteptsü lemtetogo. Ni anema benokba ken o nung kü temeten bushitsü nükjidong nung ni Tir election nung shilem magitsü lemtetogo,” ta Platini-i sangoktsü.
“Anogo 2 tsüngda nung football tentet balala indang ketdangser 150 dak temai ni pusema yaritsü tenangzükbaren kü dang metetdaktsüogo. Ajisüaka, ni nüburtem den ajurutepa election nüboyimtsü mapang magütsütettsüsa kümogo,” ta pai shisem.
Taoba mapang, 1999 nungi 2002 tsüngda tenzükba atema taoba FIFA Tir, Sepp Blatter-i Platini nem taa sen euro sen million 1.8 tashi agütsüba ken o nung aitsüba sülen FIFA Ethics Committee-i Platini o Blatter naprongla nem küm 8 tashi football asayatsüren nung shilem magitsü temerenshi agüja lir.