Playboy ki sen million dollar 100 shi agi yokogo

Los Angeles, June 7, 2016 : Playboy kibur Hugh Hefner-i Playboy ki (mansion) sen million dollar 100 dak tema agi yokogo, ta osang ajanga metetdaktsü.
Iba ki dang Holmby Hills ta ajar aser iba ki ya Playboy Enterprises meyong lir. Holmby Hills anasa alisang Daren Metropoulos-i iba ki ali, ta tmz.com osang ajanga ashi.
Hugh-i iba ki ya market nungbo sen million dollar 200 agi ayoktsü sangdonger liasü. Tang tashi nung sen kwi agi ayokar osang tejangja memetetdaktsü ajisüaka sen million dollar 100 dak tema agibosa yoker alitsü ta osang ajanga ashi.
Holmby Hills alizüksangi arishi küm 90 tain, Hugh Hefner masü tashi iba kidang alitsü mulungogo.
Daren tebu ya billionaire C Dean Metropoulos lir aser Daren-i Playboy ki anasa pa tang aliba ki ya 2009 küm sen million dollar 18 agi aliba lir.
Playboy ki, Holmby Hills nung film reprangba takdang ka, games asayaba takdang ka,  tennis aser basketball asayaba moapu kaka den tzüin aser tzü awaba tesem kaka lir. Arthur R Kelly-i 1927 küm desing asüba, iba kidang takdang ajak agi 22 lir. Kimong tasazük 21,987 square feet lir.
Hugh ya tang iba kidang pa kinungtsü arishi küm 30 tain, Crystal Harris den lir.