Pliskova-i Brisbane title benogo

Aenjeti/January 12, 2020 (Agencies): Defending champion Karolina Pliskova-i Deobarnü Brisbane International asayamung final nung Madison Keys madak takok ngua Brisbane International asemben akoker mezüngbuba asayar kümogo.
Anogo ka tejakdang semi-finals nung Naomi Osaka den ghonda asem shi kanga toktepa asayaba sülen final nung lai 6-4 4-6 7-5 agi asaya koka liasü.
Mezüngbuba set nung lai break points ana tashi kümzük aser serve break asütsü asoshi mezüngbuba maongka anguba lai agia la tejakdang aküm.
Tanabuba set nung set ka aser break ka agi tesülen aliba nungi Keys meyipa atur 3-3 aküm aser lai tanabuba set akok aser decider asayatsüsa aküm, kong mezüngbuba game trok tashi asayar kati danga serve break mesüteti asayaa atur Pliskova-i game tenetbuba nung serve break süa liasü.
Ajisüaka Keys-i metoktsüi meranga asaya aser 5-4 aliba mapang Pliskova-i asaya akoktsü asoshi serve asüba lai nokdang.
Iba sülen Pliskova-i maneni Keys indang serve break süa 6-5 aküm aser taruba asaya koka asayamung akok. Lai iba asayamung 2017 aser 2019 küm koka lir.