PM-i CM tem den Video Conference agi

Dimapur, March 20 (TYO): Prime Minister Narendra Modi-i tanü state ajak nungi Chief Minister tem den Video Conference ka agiogo.
Iba sentong nung Nagaland Chief Minister den Health & Family Welfare Minister, Chief Secretary aser tanga tongti ketdangsertem aden.
Video Conference nung PM Modi-i state balalai COVID-19 anema mapa meranga inyakba atema pelaba metetdaktsü aser sensotemi teka merüka ayutsüba aser lokti den pilaa alitsüba nenshia metetdaktsü.
Tang ya COVID-19 prokshia moudaktsütsü atema tongtipang mapang ka lir anungji State ajaki COVID-19 anema mapa inyakba ulushitsü Prime Minister-isa ayongzük.
India sorkari akokba tashi yaritsü aser March 22, 2020 nü state ajak nung Hospital Preparedness indang Mock Drill agitsü atema Prime Minister-i tanü metetdaktsü.