PM-i semdangba mapang Assam mokdangtsü

Guwahati, February 03 (Agencies): February 5, 2016 nü Ato kilonser Narendra Modi-i eastern Assam semdangba mapang state mokdanger alitsü, kechiyong iba tesem nung lisopurtemi asüng, Brihostibarnü nungi tenzüka anago ananü state ajak mokdangtsü ayongzükogo.
Moran nunger lokti tentet aikati Scheduled Tribe jenjang takhangba atema mokdangtsü tayongzükba agütsüogo.
Anogo ka state semdangba mapang Ato kilonser Modi-i Lepetkata nung Assam gas cracker project lapoktsüba sülen Moran nung party lokti senden ka nung jembitsü aser Sivsagar nung 85buba Srimanta Sankar Sangha sentong nung jembitsü sentong lir.