PM-i Sonia asoba anogo salem osang lemsatep

December 09, 2015 nü New Delhi nung Congress pusemertem party Tir, Sonia Gandhi’er kima adenshia la asoba anogomung amungba noksa nung angur. Tanü Sonia arishi küm 69 ajungba anogomung nung minister tem densema nisung aika lar kima adenshia liasü.

New Delhi, Dec 9 (Agencies): Tanü Congress Party Tir, Sonia Gandhi arishi küm 69 ajungba anogomung nung Ato kilonser, Narendra Modi-i la nem arishi talang moajang aser anema aliba taküm moajang, ta sarasademtsüogo.

Modi-i twitter ajanga, “La asoba anogomung nung Congress Tir, Sonia Gandhi den salem osang lemsateper. Ajak Takoksangi la nem arishi talang den anema aliba takum moajang,” ta ashi.

National Herald ken o nung court kati Sonia aser lar jabaso Rahul Gandhi na jaokba onük nung sorkar aser Congress na tsüngda o tako jembitepba mapang ka nung Modi-i Sonia den salem osang lemsatepogo.