PM Modi agientsüji Congress nükjidong lir: AK Antony

Thiruvananthapuram(Kerala), Monupii/May 21 (Agencies): Tanü Congress lenir tain, A K Antony-i, tanga secular party tem den longjemer Ato kilonser, Narendra Modi sorkar tashi nungi agientsüji Congress nükjidong lir, aser Karnataka nung Congress-JD(S) teloktepji iba dak sendakba mera ka lir, ta metetdaktsü.
Tanü Kerala yimtiba, Thiruvananthapuram nung taoba mapang Ato kilonser, Rajiv Gandhi sür küm 27 ajungba anogomong sentong ka nung jembidang taoba mapang Union Defence Minister, A K Anthony-i, Congress-JD(S) MLA tem timba süaka Modi tetuyuba nung ajemdaker Karnataka Angh, Vajubhai Vala-i Karnataka nung sorkar akumtsü atema BJP jaok, ta aitsü.
“Karnataka nung Congress-JD(S) loktepbaji tanga secular party tem longjemer Ato kilonser Narendra Modi tashi nungi agientsü atema lir,” ta pai ashi.
Antony-isa, MLA tem alizüktsü atema NDA-i aniba Centre sorkar nungi minister trok Karnataka nung monga liasü, ta aitsü.
Congress Working Committee (CWC) züngsem, Anthony-isa taoba mapang Ato kilonser, Rajiv Gandhi-i science & technology aser IT densema lenla balala nung terenlok mapa aika inyakba indang metetdaktsü.
Iba sentong nung KPCC Tir, M M Hassan aser party lenir tain, V M Sudheeran nata densema liasü.