PM Modi dak arrloktsür kaketshir ka dak azük

Varanasi, Feb. 22 (Agencies): Hombarnü Uttar Pradesh, Varanasi nung aliba Banaras Hindu University (BHU) nung sentong ka alidang Ato kilonser, Narendra Modi dak arrloktsür kaketshir ka dak BJP züngsemtemi azük.

Tanü BHU nung Ato kilonser Modi o jembizükli sabang nungi aludang kaketshir ka tenüng agi, Ashutosh Singh-i BHU nung student body elections dak sentakba nung Modi dak arrloktsü. Iba mapang nungji BJP nung inyakertemi pa dak azük.

Ashutosh-i, “1997 küm nungi students union tentettsü memelar. Yangi kaketshirtem nem temeten magütsür aser ola adoktsü memelar,” ta ashi.

Taoba ita nunga Lucknow nung aliba Ambedkar University nung Ato kilonser, Modi o tejembitak mapang nisung anati yimyim ayimba sülen police-i tenaprong apu.

Tawa sorkar atsüngtoktsü merangba ken o nung JNU Union Tir, Kanhaiya Kumar apuba aser taoba ita Hyderabad university nung Dalit nunger kaketshir Rohit Vemula soseta asüba sülen nungi Modi sentongtem nung mepetmesü madoktsü atema BJP nung inyakertem kanga kümdanga atar.