PM Modi-i ‘Accessible India Campaign’ tenzüktsütsü

New Delhi, November 30 (Agencies): Persons with Disabilities (PwDs) temi sorkar kiojentem, public transportation aser Information technology maongka agiteta parnok taküm libaliro temelaba akümtsü atema Centre sorkari ‘Accessible India Campaign’ benok, aser ibaji December ita Ato kilonser, Narendra Modi-i tenzüktsütsü.
Linük tesem ajaklen shi aser shisatsü nung tangar memenepertem atema mapatong ya December 3 nü ‘International Day of Persons with Disabilities’ anogomung nung Modi-i tenzüktsütsü.
Kasa anogo nung shi aser shisatsü nung tangar memenepertem taküm jenjang tajungba akümtsü atema alakteta inyaktsür nija aser tentettem nem Ato kilonseri awards agütsütsü.
PwDs jenjang tajungba akümtsü asoshi inyakba mapatong dak sentakba nungsa sorkari International film festival-a ka ayongzüktsü.
Social Justice & Empowerment Union Minister, Thaawar Chand Gehlot-i Mongolbar nü anogo asemnü film festival ji lapoktsütsü.
“Ato kilonseri Accessible India Campaign tenzüktsütsü aser National awards lemtsütsü. Iba campaign ya shi aser shisatsü nung tangar memenepertem atema nükjidong asem- Built Environment, public transport sector aser IT field atema lir,” ta Department of Persons with Disabilities Ministry Secretary, Lov Verma-i ashi.
Paisa, ‘built environment’ kübok sorkari 2018 July ita tashi nung Delhi, Mumbai, Chennai, Kolkata aser Bengaluru densema yimti 26 nung sorkar indang tongtibang kiojen 50 tashi “fully accessible” kümdaktsütsü, ta ashi.
“Shi aser shisatsü nung tangar memenepertemi public transportation maongka agitettsü reprangteta 2016 July ita tashi nung linük nung international airports ajak “fully accessible” kümtsütsü aser 2018 March tashi nung domestic airports ajak disabled-friendly kümtsütsü,” ta Verma-i ashi.
Iba den kasa 2018 March ita tashi nung linük nung aliba train station shilem 50 ‘disabled-friendly’ kümtsütsü, ta paisa shisem.