PM Modi-i Ayushman Bharat Healthcare Scheme sangdong

New Delhi, Luroi/August 15 (Agencies): Tanü India nunger 72buba Independence Day anogomong nung Ato kilonser, Narendra Modi-i Ayushman Bharat Healthcare Scheme taküm Rongjui/September 25 nü tenzüktsü, aser iba scheme ajanga linük nung senso crore 50 tajangzük angutsü, ta metetdaktsü.
Sangküm Lok Sabha election agitsü lia tanü Independence Day anogomong nung Red Fort nungi onük jembidang Ato kilonser, Modi-i, Pradhan Mantri Jan Arogya Abhiyaan (Ayushman Bharat) scheme Rongjui/September 25, 2018 nü Pandit Deendayal Upadhyay asoba anogomong nung tenzüktsü, ta metetdaktsü.
“Sorkar indang healthcare mapatong ya ajanga India nunger crore 50 tajangzük angutsü,” ta pai ashi.
“India nung sensakertem, makamait tia nungi salatsütsüla, sensak tia ajanga parnoki temang anepalu mesüteter,” ta paisa ashi.
Ayushman Bharat-National Health Protection Mission (AB-NHPM) ya ajanga küm shia kibong crore 10 ayimjema kibong shia nem healthcare atema sen crore lakh 5 teyari agutsütsü.
Iba scheme ya sensakertem, makamaitertem, tepetzük lia nung alirtem aser aayanger kibongtem atema alilsü.
Iba scheme ya ajanga yimtsüngtem nung kibong crore 8.03 aser jilatem nung kibong crore 2.33 yaritsü, aser ajakji senteper nisung crore 5 shii tajangzük angutsü, ta Socio Economic Caste Census (SECC) data ajanga metetdaktsü.
Iba scheme benoka inyaktsü atema technology ajanga tongtibang shilem ka agitsü, ta shia Modi-i, iba scheme kübok hopta 4-6 shi technology tools tendangtsü, ta metetdaktsü.