PM Modi-i British PM Theresa May ajurua teyari meshi

Hamburg/New Delhi, July 08 (Agencies): Honibarnü Ato kilonser, Narendra Modi-i India nunger rongsenkettsüng alema aibelenertem India nem bendanga agütsütsü atema amalitepa inyaktsü asoshi United Kingdom dang teyari meshiogo.
Lenir ana senden nung onük aika jembia liasü.
Honibarnü Twitter ajanga Ministry of External Affairs otongdar, Gopal Baglay-i, Ato kilonseri India nunger rongsenkettsüng nung aibelenertem linük nem bendanga agütsütsü asoshi United Kingdom dang teyari meshiogo, ta metetdaktsü.
Germany, Hamburg yimti nung G20 senden alidang jurila senden ka nung Ato kilonser, Modi-i British Ato kilonser, Theresa May den linük rongsenkettsüng alema aibelener tangaleni jena aoer India nunger linük nem bendanga agütsütsü atema jembi.
India nunger Vijay Mallya linük nem bendanga agütsütsü ken o nung Hokolbarnü London nung Westminster Magistrates’ Court-i ken o anagadangtsü anogoji December 4, 2017 nü lemteta yuogo. India sorkari pa anema kuli agütsübaji court-i angadanga liasü aser Crown Prosecution Service (CPS)-ia reprangshia liasü.
December 4 nü tashi Mallya nem bail agüja lir.
Pa indang keno September 14 nüa angadangtsü. Iba ken o nung Defence-i November 17 tashi nung tapak 30 nung kuli agütsütsüla aser India sorkari November 17 nü tashi nung telangzüba agütsütsüla.
India nung bank 17 nem sentsüh crore 9,000 magütsüi 2016 küm March ita nung Vijay Mallya-i United Kingdon, Hertfordshire-i jena ao. Iba sülen taküm April 18 nü pa London nung apu saka bail nung chioka lir.