PM Modi-i France Tir Macron ajuru

New Delhi/Paris, June 03 (Agencies): Honibarnü France yimtiba, Paris nung aliba Elysee Palace nung India Ato kilonser, Narendra Modi-i tang tasen shimba France Tir, Emmanuel Macron ajuruogo.
Iba senden nung lenir anati linük ana tesendaktep onüktem, kiralongra anema rara aser climate change onüktem nung o lemtepa liasü.
Iba dak sendakba nung Ministry of External Affairs otongdar, Gopal Baglay-i twitter ajanga, “Paris nung PM @narendramodi-i France Tir tasenba, Emmanuel Macron ajuruogo,” ta metetdaktsü.
Tanep Ato kilonser, Modi Paris yimti tonga arua liasü.
Hokolbarnü Modi-i tang mezüng Russia nung St. Petersburg International Economic Forum senden nung dena liasü.
Iba senden alidang jurila senden balala nung Modi-i UN Secretary General, Antonio Guterres, Austria Chancellor, Christian Kern aser Eurasian Economic Union Mendenbuba, Tigran Sargasyan nungera ajurua jembiogo.