PM Modi-i ‘Garibi Hatao’ sangdongtsü

New Delhi, September 22 (Agencies): Taruba Honibarnü Ato kilonser, Narendra Modi-i sensak tia anema raratsü asoshi “Garibi Hatao” yimyim sangdongtsü.
Iba o ya Congress Party lenir aser taoba mapang Ato kilonser, Indira Gandhi-i mezüng amshia liasü.
Honibarnü Modi-i Kerala, Kozhikode nung party nung inyakertem den jembitsü, iba sülen Deobarnü BJP national council senden nung adentsü.
Uttar Pradesh, Punjab aser Uttarakhand state tem nung assembly election atema party renemshiba mapang ka nung party bangdak lenirtemi sensak tia anentsü ya tongtibang onük ka asütsü benokogo.
1970s mapang nung taoba Congress lenir, Indira Gandhi-i “Garibi Hatao” (sensak tia anenang) yimyim agüja party-i iba atema inyaka liasü.
Congress-i iba yimyim sentokogo, ta BJP-i bilemer, ibayongji Modi-i iba maongka agia sensak tia yimyim nung ajemdaker inyaker.
Congress-i anir opposition party temi BJP ya sensakertem aser aluyimertem anemertem saka industrialist tem nungita yarirtem ta aitsüba sülen taküm küm tetenzüklen Narendra Modi’er sorkari temelenshi mera ka agia tongtibang mapatong aika sensak tia anema raratsü den sentaktepogo.