Thiruvananthapuram February 10 (Agencies): Ato kilonser Narendra Modi maneni aija tanü Congress tatong Tir, Rahul Gandhi-i, Modi-i RSS den senteper election mapang nung Hindu aser Muslim nunger tsüngda telemsa adokdaktsütsü atema nübo ayimer, ta ashi.
Rahul-isa, Modi ji tangatetba agi anünga lir aser pai shisatetba nungi media ajanga tululu sangdonger, ta ashi.
Yangi Kerala Pradesh Congress Committee Executive (KPCC) sanen luden senden nung jembidang Rahul-i, Modi-i osang tejangja memetetdaktsüner aser sentongtem nung ajemdaker yimtenren mapa inyaker, ta ashi.
Tatishitsü ka shia pai, Modi-i Congress Tir, Sonia Gandhi dangi phone ajanga Naga accord sign asüba indang la nem metetdaktsü, ajisüaka Manipur, Arunachal Pradesh aser Assam Chief minister temibo ibaji memeteti liasü, ta ashi.
“Manipur, Arunachal Pradesh aser Assam Chief minister tem shingaia iba indangji memeteti liasü. Pa indang Home Minister-ia memetet, iba ama accord ji maliasü aser kechisa ataloker’ar Ato kilonseria jungabo memeteti liasü ta onoki kobi melii metet,” ta Rahul-i ashi.
“Anungji pai sorkar amshiba yimya nungji tenüng atema dang jembiba aser inyakba sayur,” ta Rahul-i ashi.
Modi aser RSS na tongtibangtiba nükjidongji, election mapang Hindu aser Muslim nunger tsüngda telemsa adokdaktsütsü lir. “Bihar, Uttar Pradesh nung parnok tebilembaji jangjaogo aser Kerala o West Bengal nunga yamaji inyaker,” ta ashi.
Gandhi-isa, BJP-i tapu ana nüboyimer, kaji terenlok aser kaji ‘telung nung miim aketba nüboyim’ ta ashi.
Modi-i Nepal semdangba aija Gandhi-i, “Ato kilonseri semdangba sülen ita ishika tsüngda iba linük (Nepal) den tesentaktep raksaogo,” ta ashi.
You must be logged in to post a comment Login