PM Modi-i House anaprong nung jembitsü: Ananth Kumar

New Delhi, December 07 (Agencies): Tanep BJP Parliamentary senden ka amenba sülen Union Minister, Ananth Kumar-i, sen tamshidak anentsüba onük nung Ato kilonser, Narendra Modi-i Parliament House anaprong nung telangzüba agütsütsü, ta metetdaktsü.
Tanep Ato kilonser menden ser amenba senden nung BJP MP temi, nüburtemi Centre telemtetba nungitba atema tenüngsang agüja bangzüng ka renem, ta Kumar-i ashi.
“Ato kilonseri, election mapang nüburtem nem Electronic Voting Machines indang angatetdaktsüba den kasa sen mamshii shishilembatsü atema angatetdaktsütsü ta shiogo,” ta Kumar-isa ashi.